Friday, May 2, 2014

ہمیشہ دیر کر دیتا ہوں میں - منیر نیازی

ضروری بات کہنی ہو
کوئی وعدہ نبھانا ہو


اسے آواز دینی ہو

 اسے واپس بلانا ہو
 

 ہمیشہ دیر کر دیتا ہوں میں ہر کام کرنے میں
مدد کرنی ہو اس کی
 یار کی ڈھارس بندھانا ہو
 

 بہت دیرینہ رستوں پر
 کسی سے ملنے جانا ہو

ہمیشہ دیر کر دیتا ہوں میں ہر کام کرنے میں


بدلتے موسموں کی سیر میں دل کو لگانا ہو


کسی کو یاد رکھنا ہو

 کسی کو بھول جانا ہو

ہمیشہ دیر کر دیتا ہوں میں ہر کام کرنے میں


کسی کو موت سے پہلے کسی غم سے بچانا ہو

حقیقت اور تھی کچھ اس کو جا کر یہ بتانا ہو


ہمیشہ دیر کر دیتا ہوں میں ہر کام کرنے میں


Friday, August 10, 2012

وصال و ہجر


وصال و ہجر سے وابستہ تہمتیں بھی گئیں
وہ فاصلے بھی گئے
اب وہ قربتیں بھی گئیں

دلوں کا حال تو یہ ہے کہ ربط ہے نہ گریز
محبتیں تو گئی تھیں
عداوتیں بھی گئیں

لُبھا لیا ہے بہت دل کو رسم دنیا نے
ستم گروں سے ستم کی شکایتیں بھی گئیں

غرور کج کلہی جن کے دم سے قائم تھا
وہ جُرءاتیں بھی گئیں
وہ جسارتیں بھی گئیں

نہ اب وہ شدت آوارگی نہ وحشت دل
ہمارے نام کی کچھ اور شہرتیں بھی

Tuesday, July 31, 2012

علم و عشق


علم نے مجھ سے کہا عشق ہے ديوانہ پن 
عشق نے مجھ سے کہا علم ہے تخمين و ظن 
بندہ تخمين و ظن! کرم کتابي نہ بن 
عشق سراپا حضور، علم سراپا حجاب! 
عشق کي گرمي سے ہے معرکہء کائنات 
علم مقام صفات، عشق تماشائے ذات 
عشق سکون و ثبات، عشق حيات و ممات 
علم ہے پيدا سوال، عشق ہے پنہاں جواب! 
عشق کے ہيں معجزات سلطنت و فقر و ديں 
عشق کے ادني غلام صاحب تاج و نگيں 
عشق مکان و مکيں، عشق زمان و زميں 
عشق سراپا يقيں، اور يقيں فتح باب! 
شرع محبت ميں ہے عشرت منزل حرام 
شورش طوفاں حلال، لذت ساحل حرام 
عشق پہ بجلي حلال، عشق پہ حاصل حرام 
علم ہے ابن الکتاب، عشق ہے ام الکتاب!